litratong pinoy #11:tatak pinoy

meron nang naunang nagpost ng litrato ng pambansang bubuyog ng pilipinas, pero sadyang karapat-dapat siyang isali sa kategoryang ito. bahagi siya ng kulturang pinoy. kaya naman nang nagbakasyon ako sa pilipinas, madalas akong kumain dito. ang branch na ito sa san mateo, rizal ang kauna-unahang kinainan ko.

ang una kong inorder ay yung jolly spaghetti and regular yum na combo meal. at dahil sa jologs ako lalo na pag hawak ko ang camera ko, kinunan ko ng litrato ang pagkain ko. kakaaliw yung korte ng plato. pero mas nakakaaliw malaman na tatlumpung-taon na silang nagpapasaya ng mga pamilya. naalala niyo pa ba yung jingle nila na "i love you sabado"?

walang "langhap sarap" dito sa east coast eh. kailangan ko pang dumayo sa california kung gusto kong kumain ng jollibee. kailan kaya dadapo ang pulang bubuyog na ito sa new jersey? please naman, kahit sa jersey city! haha.

at sa larangan naman ng pampalasing, san miguel beer ang hanap ng mga pinoy saan mang sulok ng mundo. pati kuting ng pinsan ko sa pasig, na-curious sa boteng ito.

maipagmamalaki din ng pilipinas ang mga manika nito, gaya ng coralyn na manika na gawa sa tela, hindi plastik kaya hindi potensyal na safety hazard sa mga bata. binili ko ito para sa aking inaanak na dalawang taong gulang. nagustuhan niya.

at syempre, isa pang manika na maipagmamalaki nating tatak pinoy ay yung igorota na galing baguio.

sasamantalahin ko na rin ang pagkakataon na ipagbigay-alam na may nilunsad kaming blog ni gingmaganda na bida ang manikang ito! punta naman kayo para masaya!