litratong pinoy#27:liwanag (light)

sinong turista ang hindi mabibighani sa liwanag ng naglalakihang mga billboard sa "lungsod na hindi natutulog"? pagsapit ng gabi, dito tunay na nabubuhay ang new york city dahil sa mga ilaw ng mga gusali at mga patalastas na nakakabit dito. at ang pinakamagandang lugar upang matunghayan ito ay ang times square.

sa hilagang bahagi nito ay ang father duffy square kung saan may mga upuan at mesa (larawan sa taas) para sa mga taong gustong tumambay habang napapaligiran ng mga gusali sa times square. sa mga nakaraang buwan na pagdalaw ko dito ay sarado ang father duffy square dahil sa konstruksyon. ngunit kamakailan lamang ay nakita kong bukas na ito muli sa publiko at may magarang sorpresa sa mga tao....ang pulang hagdan ng TKTS. maliwanag ang hagdang ito kaya maingat kang makakaakyat dito.

siempre, ito na ang paboritong "kodakan venue" ng mga turista ngayon...dahil makakaakyat sila sa hagdan na ito para lalong magaganda ang litrato nila sa times square. sa ilalim naman ng hagdan nito ang mga booths ng TKTS para sa mga taong nais makabili ng mas murang tiket sa mga palabas sa broadway. kalahati sa totoong presyo ang benta sa mga tiket dito kung kaya't marami ang pumipila dito.

ito naman ang likod na bahagi ng pulang hagdan, kung saan makikita mo ang aktwal na mga booths ng TKTS. sarado na ito nang kunan ko ng litrato dahil pasado alas-dyes na ng gabi.

pagpasyal ninyo sa new york city, daan kayo sa pulang hagdan, ha?

[which tourist wouldn't be dazzled by the lights of the super-sized billboards of "the city that never sleeps?" when night falls, that's when new york city truly comes alive with the lights of the buildings and the advertisements attached to them. and the perfect place to see all these is times square.

at its northern part is the father duffy square where tables and chairs allow people to lounge there while being surrounded by times square's buildings. during the past months that i visited this area, it was closed because of some construction. recently, however, i saw that it was reopened to the public with a fabulous surprise to the people: the red stairway of TKTS. these steps are illuminated so you can safely climb it.

of course, this is now the tourists' favorite "kodakan venue"...because they can go up the steps for better photos of times square. beneath these steps are the TKTS booths where people can purchase discounted tickets for broadway shows. the tickets are half-priced so lots of people queue here.

and this is the back view of the red stairway where you can see the actual TKTS booths. they're already closed because it was past 10pm when i passed by.

when you visit new york city, drop by the red stairway, okay?]