litratong pinoy#3: mahal na ina

narito po ang aking pasyalerang manika mula sa baguio na si miss igorota, bitbit ang kanyang supling habang nagwiwindow-shopping sa tindahan ng souvenirs sa paliparan ng detroit noong buwan ng marso. regalo siya sa akin ni gingmaganda.

sa ngayon, natastas ang munting bata mula sa kanyang dibdib, kung kaya't walang laman ang mga bisig ni miss igorota. kailangan kong itahi muli ang kawawang anak upang makasama muli sa mga lugar na papasyalan ng kanyang ina.

sa mga ina, lola, at "nanay figure" saan man kayo naroroon, maligayang araw ng mga ina!